ایک نیوز: قومی ٹیم کےفاسٹ باؤلر حسن علی نے ورلڈ کپ کیلئے قومی اسکواڈ کا حصہ بننے پر خوشی کا اظہار کرتے ہوئے ’ دی جنریٹر از بیک‘ کے کیپشن کے ساتھ تصویر شیئر کر دی۔
رپورٹ کے مطابق پی سی بی کے چیف سلیکٹر انضمام الحق نے آئی سی سی ورلڈ کپ کے لیے 18 رکنی قومی اسکواڈ کا اعلان کیا ہے۔ قومی اسکواڈ میں بابراعظم کپتان اور شاداب خان نائب کپتان ہوں گے، جس میں فاسٹ بولر نسیم شاہ انجری کی وجہ سے قومی اسکواڈ کا حصہ نہیں ہیں جبکہ ان کی جگہ حسن علی کو اسکواڈ میں شامل کیا گیا ہے۔
Shukar Alhumdulilah! It's an indescribable feeling to be able to play the World Cup for my country. InshAllah I will give my absolute best for Pakistan. Please remember me and our team in your prayers. Also a big thanks to my fans for always supporting me ????????#PakistanZindabad ???????? pic.twitter.com/Kul3zpbXis
— Hassan Ali ???????? (@RealHa55an) September 22, 2023
ورلڈکپ اسکواڈ کے اعلان کے بعد حسن علی نے سماجی رابطہ کی ویب سائٹ ایکس( ٹوئٹر) پر ’دی جنریٹر از بیک‘ کے کیپشن کے ساتھ تصویر پوسٹ کی اور اللہ کا شکر ادا کرتے ہوئے لکھا کہ اپنے ملک کے لیے ورلڈ کپ کھیلنے کا موقع ملنے پر بہت خوش ہوں۔ حسن علی نے فینز کا شکریہ ادا کیا اور درخواست کی کہ مجھے اور ہماری ٹیم کو دعاؤں میں یاد رکھیں، ورلڈکپ میں پاکستان کیلئے اپنا بہترین دوں گا۔