ایک نیوز نیوز: مالینگو کے جنوب مغربی خطے کے قریب واقع سولومن جزیرے میں شدید زلزلے سے عمارتوں کو نقصان پہنچا اور بڑے حصے میں لوگ بجلی سے محروم ہو گئے۔
غیر ملکی میڈیا کے مطابق زلزلے کی شدت ریکٹر سکیل پر 7 ریکارڈ کی گئی ہے تاہم اس میں فوری طور پر کسی جانی نقصان کی اطلاع نہیں ملی البتہ انفرا اسٹرکچر کو نقصان پہنچا ہے۔
سولومن جزیرے کے دارالحکومت ہونیار کے مکینوں نے 20 سیکنڈز تک زلزلے کے جھٹکے محسوس کیے۔
امریکا کے زلزلہ پیما مرکز کے مطابق زلزلہ زیر زمین 13.6کلو میٹر کی گہرائی میں آیا ہے، جس کا مرکز ساحل سے 18 کلومیٹر جنوب مغرب میں تھا اور اس کی شدت 7 تھی۔میڈیا رپورٹس کے مطابق زلزلہ گزرنے کے بعد تین آفٹرشاکس آئے جن کی شدت 6 ریکارڈ کی گئی جب کہ زلزلے کے فوری بعد سرکاری حکام نے سونامی کی وارننگ جاری کی جسے کچھ وقت بعد واپس لے لیا گیا۔ البتہ زلزلے سے ہونیار کا بڑا حصہ بجلی سے محروم ہوگیا۔