ایک نیوز :سعودی خلابازوں نے خلا سے زمین پر پہلاویڈیو پیغام بھیج دیا ۔
تفصیلات کےمطابق دو سعودی خلابازوں نے اپنے لانچ کے بعد بین الاقوامی خلائی اسٹیشن سے اپنی بحفاظت آمد کا اعلان کرتے ہوئے السلام علیکم کے ساتھ ایک ویڈیو پیغام واپس زمین پر بھیجا ہے۔
کمپنی اسپیس ا یکس، کمپنی ایکسیم اسپیس اور سعودی اسپیس اتھارٹی کے مشترکہ خصوصی مشن پر اتوار کو پہلے دو سعودی خلا باز جب بین الاقوامی خلائی اسٹیشن پہ پہنچے تو پوری دنیا کی نگاہیں ان پر مرکوز تھیں۔
السلام عليكم من الفضاء وشرف كبير أن نكون في هذه الرحلة التاريخية، هو ما استهلت به البطلة ريانة برناوي أول امرأة عربية مسلمة تَصل للفضاء.
— الهيئة السعودية للفضاء (@saudispace) May 22, 2023
السعودية #نحو_الفضاء ???????? pic.twitter.com/YL8HHav6jP
زمین پر بھیجی جانے والی ویڈیو میں دونوں خلاباز نظر آئے جس میں ریانہ برناوی نے خلا میں پہنچنے والی پہلی عرب مسلمان خاتون کے طور پر اپنی تقریر کا آغاز کرتے ہوئے کہا خلا سے السلام علیکم ۔۔ ہمارے لیے یہ بیحد اعزاز کی بات ہے کہ ہم اس تاریخی سفر میں شریک ہیں۔
#السعودية_العظمى...
— Ahmed (@M1245mas) May 22, 2023
السلام عليكم من الفضاء pic.twitter.com/TiqkVJ9q82
علی القرنی بھی پیر کی صبح ٹویٹر پر اپنے آفیشل اکاؤنٹ کے ذریعے سعودی اسپیس اتھارٹی کی طرف سے شائع کردہ کلپ میں دکھائی دیے ہیں۔عالمی خبر رساں ایجنسی کے مطابق یہ ویڈیو اسپیس ایکس کے تیار کردہ میزائل فالکن 9 کے بعد آئی۔ فالکن 9 ریانہ برناوی اور علی القرنی کو لے کر اتوار کی شام فلوریڈا کے کینیڈی اسپیس سنٹر سے لانچ کیا گیا تھا۔ اس کے ساتھ ناسا کے سابق خلا باز پیگی وائٹسن اور امریکی کاروباری جان شوفنر بھی تھے۔
سعودی اسپیس اتھارٹی کے نامزد سی ای او محمد بن سعود التمیمی نے اس حوالے سے انکشاف کیا ہے کہ مملکت میں اب 3 خلاباز موجود ہیں جو خلا میں جا چکے ہیں۔ انہوں نے فلوریڈا سے معروف نشریاتی ادارے کو دیے گئے بیانات میں کہا کہ سعودی عرب 3 خلاباز بھیجنے والے عرب دنیا کا پہلا ملک بن گیا ہے۔