ایک نیوز: انگلش ٹوئنٹی 20 بلاسٹ ٹورنامنٹ میں برمنگھم بیئرز میں شامل پاکستانی پیسر حسن علی انجرڈ ہوگئے ہیں۔
رپورٹ کے مطابق انجری کے باعث پاکستانی پیسر حسن علی یارکشائر کیخلاف ٹیم کا افتتاحی میچ نہیں کھیل پائے۔ فاسٹ باؤلر حسن علی میچ سے چند لمحات قبل گراؤنڈ میں وارم اپ کے دوران انجری کا شکار ہوئے جس کے بعد انھیں برمنگھم بیئرز کا اسٹاف اٹھاکر گراؤنڈ سے باہر لے گیا۔
پیسر کی انجری کی نوعیت کے حوالے سے ابھی زیادہ تفصیلات سامنے نہیں آسکی ہیں لیکن ان کی ٹیم نے افتتاحی مقابلہ 34 رنز سے جیت لیا تھا۔