ایک نیوز: آئی سی سی نے نئی ون ڈے اور ٹیسٹ رینکنگ جاری کردی ہے جس میں پاکستان کرکٹ ٹیم کے کپتان بابراعظم کی پہلی پوزیشن برقرار ہے۔
رپورٹ کے مطابق ون ڈے رینکنگ میں بابراعظم کی پہلی برقرار ہے۔ جنوبی افریقا کے رسی وین ڈر ڈوسن کی دوسری اور پاکستان کے امام الحق کی تیسری پوزیشن ہے۔ون ڈے بیٹرز رینکنگ میں جنوبی افریقا کے کوئنٹن ڈی کوک چوتھےنمبر پر موجود ہیں اس کے ساتھ ساتھ بھارت کے کپتان روہت شرما 9 ویں،کین ولیمسن 10 ویں اورفخر زمان 11 ویں نمبر پر آگئے ہیں۔
دوسری جانب ٹیسٹ باؤلرز کی رینکنگ میں بھارت کےروی چندرن ایشون پہلے اور انگلینڈ کے جیمز اینڈرسن دوسرے نمبر پر موجود ہیں۔قومی فاسٹ باؤلر شاہین شاہ آفریدی رینکنگ میں پانچویں نمبر پر موجود ہیں۔ٹیسٹ آل راؤنڈرز کی رینکنگ میں بھارت کےرویندرا جڈیجا پہلے نمبر پر موجود ہیں۔