اگر یہ فیچر متعارف کرایا جاتا ہے تو پھر آپ کو ایک ٹوئٹ 280 حروف میں مکمل کرنے کی فکر نہیں رہے گی۔
ٹیک کرنچ کی رپورٹ کے مطابق ٹوئٹر نوٹس نامی یہ فیچر آئندہ چند ہفتوں میں متعارف کرایا جاسکتا ہے۔
اس فیچر کے بارے میں لیکس کئی ماہ سے سامنے آرہی تھیں اور مئی میں ایپ ریسرچر جین منچون وونگ نے اس کا ایک اسکرین شاٹ بھی شیئر کیا تھا۔
اس اسکرین شاٹ میں اسے ٹوئٹر آرٹیکل کا نام دیا گیا تھا۔
اب نئی رپورٹ میں بتایا گیا کہ ٹوئٹر ایپ کے بیٹا ورژن میں یہ فیچر موجود ہے جس سے عندیہ ملتا ہے کہ اسے آئندہ چند ہفتوں میں متعارف کرایا جاسکتا ہے۔
Twitter Article looks pretty polished at this stage pic.twitter.com/oAc6LXCKOy
— jane (@wongmjane) May 4, 2022
The Twitter Article Composer now comes with a “Focus Mode” (that button on the top-right) that expands the composer to the full screen, hides away the side bars pic.twitter.com/oOhyM1IIWs
— jane (@wongmjane) May 4, 2022
اس فیچر میں طویل تحریروں کے لیے فارمیٹنگ اور میڈیا آپشنز بھی دستیاب ہوں گے اور انہیں پبلش کرکے فالوورز سے شیئر کیا جاسکے گا۔
طویل تحریروں کے اضافے سے ٹوئٹر میں بڑی تبدیلی آئے گی جہاں کم از کم الفاظ میں لوگ اپنی بات مکمل کرنے کی کوشش کرتے ہیں۔
پہلے ایک ٹوئٹ میں صرف 140 حروف استعمال ہوسکتے تھے، 2017 میں حروف کی تعداد 280 کی گئی تھی۔
زیادہ بڑی تحریر کے لیے لوگوں کو ایک ہی تھریڈ میں کئی ٹوئٹس کرنا ہوتے ہیں۔
کمپنی کو توقع ہے کہ زیادہ بڑی تحریروں سے سنجیدہ پوسٹس کو زیادہ اہمیت مل سکے گی۔
اسی طرح مضامین یا بلاگز براہ راست ٹوئٹر پر شائع کرنا بھی صارفین کی توجہ حاصل کرسکے گا۔