امریکی میڈیا کے مطابق امریکا نے یوکرین میں اپنے دوسرے شہری کی ہلاکت کی تصدیق کی ہے۔امریکی محکمہ خارجہ کے مطابق 52 سالہ اسٹیفن زیبیلسکی یوکرین میں ہلاک ہوگئے ہیں۔ زیبیلسکی 15 مئی کو یوکرین کے گاؤں دوروز نیانک میں لڑائی کے دوران مارے گئے تھے۔
رپورٹس کے مطابق امریکی محکمہ خارجہ نے ایک مرتبہ پھر امریکی شہریوں کو یوکرین کا سفر نہ کرنے اور یوکرین میں موجود امریکی شہریوں کو محفوظ مقام پر منتقل ہونے کی بھی ہدایت کی ہے۔
واضح رہے کہ اس سے قبل اپریل میں ایک 22 سالہ امریکی یوکرین میں جنگ میں مارا گیا تھا۔