جوڈیشل مجسٹریٹ ماڈل ٹاؤن نوشابہ یوسف نے ملزم کاشف ضمیر کی اسلحہ رکھنے اور خود کو سرکاری افسر ظاہر کرنے کے مقدمے میں ضمانت کی درخواست پر سماعت کی، ملزم کیجانب سے ملک ساجد وٹو ایڈووکیٹ پیش ہوئے،پراسیکیوشن نے کہا کہ ملزم کاشف ضمیر نے خود کو سرکاری افسر ظاہر کیا، اس کے قبضے سے نیلی بتی اور اسلحہ بھی برآمد ہوا، ملزم ضمانت کا حقدار نہیں۔
ملزم کے وکیل کی جانب سے موقف اختیار کیا گیا کہ ایف آئی آر میں درج دفعات قابل ضمانت ہیں، اس لیے ٹرائل مکمل ہونے تک ضمانت منظور کی جائے۔عدالت نے وکلاء کے دلائل سننے کے بعد ایک لاکھ روپے مچلکوں کے عوض کاشف ضمیر کی ضمانت منظور کرلی۔
واضح رہےکہ ترک اداکار انگین آلتان کی میزبانی کرنے والا کاشف ضمیر 8 مقدمات میں نامزد ہے ۔ پولیس نے کاشف ضمیر کو دسمبر 2020 میں بھی گرفتار کیا تھا تاہم اس کی گرفتاری میں متحرک کردار ادا کرنے والے ایس پی انوسٹی گیشن ماڈل ٹاؤن بلال قیوم کا راتوں رات تبادلہ کردیا گیا تھا ۔گلے میں پہننےوالی 100 تولہ وزنی سونے کی چین کا بھی حقیقت کھل گئی، جعلی سونا نکلا ۔