ایک نیوز: آئی سی سی کے جاری کردہ اعلامیہ میں پاکستان میں اگلے سال کے اوائل میں چیمپئنز ٹرافی کے بجٹ کی منظوری کا ذکر تک نہیں کیا گیا ۔
تفصیلات کے مطابق اجلاس میں آئی سی سی کے تمام 108 ممبران نے شرکت کی واجلاس میں اولمپکس 2028 میں کرکٹ کی شمولیت پر بھی تبادلہ خیال کیا گیا ، آئی سی سی ٹی ٹوئنٹی ورلڈ کپ 2024 کے تمام معاملات کا ازسر نو جائزہ لینے کی منظوری دی گئی۔
3ڈائریکٹرز، راجر ٹوسے، لاسن نائیڈو اورعمران خواجہ رواں سال کے آخر میں بورڈ کو جائزہ رپورٹ پیش کریں گے ،یو ایس اے کرکٹ اور کرکٹ چلی کو باضابطہ طور پر نوٹس جاری کر دیا گیا ہے ،یو ایس اے کرکٹ ایسوسی ایشن کے پاس آئی سی سی کی رکنیت کے معیار کی موجودہ عدم تعمیل کو درست کرنے کیلئے 12 ماہ کا وقت ہے،کسی بھی رکن کو مقصد کی تفصیلی گورننس اور انتظامی ڈھانچے اور نظام کیلئے موزوں نہیں سمجھا جاتا ہے۔
چیف ایگزیکٹوز کی کمیٹی نے آئی سی سی مینز ٹی 20 ورلڈ کپ 2026 کیلئے آٹھ علاقائی کوالیفائنگ اسپاٹس کی الاٹمنٹ کر دی،افریقہ اور یورپ سے دو ٹیمیں کوالیفائی کریں گی ،امریکہ سے ایک اور تین مشترکہ ایشیا اور ایسٹ ایشیا ریجنل ہونگی ، آئی سی سی نے 2030 میں ہونے والے آئی سی سی خواتین کے ٹی ٹوئنٹی ورلڈ کپ کو 12 سے 16 ٹیموں تک بڑھانے منظوری دے دی ، آئی سی سی ویمنز ٹی ٹوئنٹی ورلڈ کپ 2026 کوالیفائر کیلئے کوالیفائی کرنے کی کٹ آف ڈیٹ 31 اکتوبر 2024 ہے ،سی ای سی نے پال ریفل کی آئی سی سی مینز کرکٹ کمیٹی میں ایلیٹ پینل کے نمائندے کے طور پر تقرری کی منظوری دی ۔