ایک نیوز: عام انتخابات کی تیاری، نگران حکومت میں کون کون شامل ہوگا اور دیگر معاملات کیسے طے کیے جائیں گے؟ سابق صدر آصف علی زرداری خصوصی طیارے سے دبئی پہنچ گئے ہیں جہاں وہ اہم ملاقاتیں کریں گے۔
تفصیلات کے مطابق پی پی پی کے شریک چیئرمین آصف زرداری دبئی میں اہم سیاسی شخصیات سے ملاقاتیں کریں گے جن کے دوران نگراں حکومت کے قیام سمیت دیگر اہم امور پر گفتگو متوقع ہے۔
پارٹی ذرائع کے مطابق آصف زرداری چند روز دبئی میں قیام کریں گے جس کے بعد وطن واپسی ہوگی۔ دریں اثناء پی پی پی کے چیئرمین بلاول بھٹو زرداری لاڑکانہ سے کراچی پہنچ گئے ہیں۔
لاڑکانہ میں وزیرِ خارجہ بلاول بھٹو زرداری نے سیلاب متاثرین میں مفت گھروں کے مالکانہ حقوق تقسیم کیے اور اس دوران تقریب سے خطاب کرتے ہوئے متاثرین کو 20 لاکھ گھر بنا کر دینے کا اعلان بھی کیا۔