(ایک نیوز نیوز) پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق دفاعی اور سلامتی سے متعلق چیئرمین جوائنٹ چیفس آف سٹاف کمیٹی اور تمام سروس چیفس کا اجلاس جوائنٹ اسٹاف ہیڈ کوارٹرز میں ہوا۔
آئی ایس پی آر کے مطابق اجلاس چیئرمین جوائنٹ چیفس آف سٹاف کمیٹی جنرل ندیم رضا کی زیر صدارت ہوا جس میں آرمی چیف جنرل قمر جاوید باجوہ، چیف آف نیول سٹاف ایڈمرل امجد خان نیازی اور ایئر چیف مارشل ظہیر احمد بابر سدھو نے شرکت کی۔
اجلاس کے دوران فورم کو مغربی سرحد، خیبرپختونخوا اور بلوچستان سے متعلق قومی سلامتی کی صورتحال کا جائزہ لینے کے بارے میں تفصیلی بریفنگ دی گئی جبکہ اسٹریٹجک اور روایتی پالیسیوں کے دائرے میں تیز رفتار پیشرفت، خطے میں پائیدار ترقی کیلئے افغانستان میں امن کی اہمیت اور مسلح افواج کی آپریشنل تیاریوں پر بھی تبادلہ خیال کیا۔
آئی ایس پی آر کے مطابق اجلاس کے دوران فورم نے دفاعی افواج کی تیاریوں پر مکمل اطمینان اور اعتماد کا اظہار کیا۔ شرکا نے مسلح افواج کے تمام خطرات کا بھرپور جواب دینے کے عزم کا اعادہ بھی کیا۔
اجلاس کے دوران جامع سیکورٹی حکمت عملی کے ساتھ۔ فورم نے دہشت گردی کے خلاف جنگ میں سیکیورٹی اداروں کی قربانیوں کو بھی سراہا۔