ایک نیوز: امیر جماعت اسلامی حافظ نعیم الرحمن نے قطر کے دارالحکومت دوحہ میں حماس کی قیادت سے ملاقات کی ہے۔
تفصیلات کے مطابق حافظ نعیم الرحمن نے حماس کے سربراہ حسن درویش، سابق سربراہ خالد مشعل سے ملاقات کی ہے۔
اس موقع پر امیر جماعت اسلامی نے کہا پندرہ ماہ ثابت قدمی سے مزاحمت پر اہل غزہ، حماس کو خراج تحسین پیش کرتے ہیں، جنگ بندی معاہدہ حماس کی فتح ہے، اسرائیل جنگی اہداف کے حصول میں ناکام رہا، پاکستان کے عوام غزہ کی تعمیر نو میں اپنا فرض ادا کریں گے، ہم اس اہم موڑ پر اہل پاکستان کی جانب سے اظہار یکجہتی کے لئے حاضر ہوئے ہیں۔
اس موقع پر حماس کے سربراہ حسن درویش نے کہا اہل فلسطین کی جانب سے پاکستانیوں اور جماعت اسلامی کا شکریہ ادا کرتے ہیں ،پاکستان نے امت کے مسائل کے حل کے لئے قائدانہ کردار ادا کیا ہے، بحالی اور تعمیر نو میں پاکستان کی حکومت اور عوام سے تعاون کی امید رکھتے ہیں۔