ایک نیوز: سونے کی قیمتوں میں بڑا اضافہ دیکھا گیا ہے، سونے کی فی تولہ قیمت میں 4250 روپے کا حیرت انگیز اضافہ ہوا۔
سونا 2 لاکھ 87 ہزار 450 روپے فی تولہ ہوگیا ،10گرام سونے کی قیمت میں 3642 روپے کا اضافہ ہوا،10گرام سونا 2 لاکھ 46 ہزار 440 روپے پر پہنچ گیا ۔
عالمی مارکیٹ میں سونا 40 ڈالر کے اضافے سے 2751 ڈالر فی اونس کا ہوگیا ، چاندی کی فی تولہ قیمت 59 روپے کے اضافے سے 3 ہزار 431 روپے ہوگئی۔
خیال رہے کہ گزشتہ روز بھی سونے کی قیمت میں اضافہ ہوا تھا،گزشتہ روز سونے کی فی تولہ قیمت 300روپے اضافے کے بعد 2 لاکھ 83 ہزار 200 روپے ہوگئی تھی،10گرام سونا 257روپے مہنگا ہوا، جس کے بعد 10گرام سونے کی فی تولہ قیمت 2 لاکھ 42 ہزار 798 روپے پر پہنچ گئی تھی جبکہ چاندی کی فی تولہ قیمت 3 ہزار 372 روپے پر مستحکم رہی تھی۔