پاکستانی ون ڈے سکواڈ کی تشکیل،بڑے نام سامنے آگئے

ایک نیوز: پاکستانی ون ڈے سکواڈ کی تشکیل کیلئے سلیکٹرز نے سر جوڑلیے، صائم ایوب کے متبادل کیلئے فخر زمان کا نام سامنے آ گیا ہے۔ 
عبداللہ شفیق اور عثمان خان کی ٹیم میں شرکت غیر یقینی نظر آنے لگی،پاکستان ، نیوزی لینڈ اور جنوبی افریقہ کے درمیان فروری میں سہہ فریقی سیریز میں شیڈول ہے،سلیکشن کمیٹی نے سہہ ملکی سیریز اور چیمپیئنز ٹرافی کے لئیے مشاورت شروع کردی ہے۔ 
ذرائع کا دعویٰ ہے کہ صائم ایوب کی میگا ایونٹ میں شرکت تاحال مشکوک ہے، سہہ فریقی سیریز کی پاکستانی ٹیم ہی چیمپئینز ٹرافی کی ٹیم ہو سکتی ہے ، آوٹ آف فارم عبداللہ شفیق اور عثمان خان کے بھی ڈراپ ہونے کا امکان ہے۔
فخر زمان کی سکواڈ میں شمولیت یقینی نظر آ رہی ہے،امام الحق اور حسیب اللہ کے ناموں پر بھی غور کیا جا رہا ہے، محمد رضوان ،بابر اعظم ، سلمان آغا ، طیب طاہر ، عرفان خان ، محمد حسنین ، نسیم شاہ ، شاہین آفریدی حارث روف ،کامران غلام ، ابرار احمد ،سفیان مقیم بھی سکواڈ کا حصہ بن سکتے ہیں ۔
خیال رہے کہ پاکستان کے علاوہ چیمپئینز ٹرافی کی تمام ٹیموں نے سکواڈز کا اعلان کر دیا ہے ،پاکستان آئی سی سی کو ابتدائی سکواڈ کے نام بھجوا چکا ہے ،11فروری تک حتمی اسکواڈ کا لازمی اعلان کرنا ہے ، سہہ ملکی سیریز کا پہلا میچ 8 فروری کو ہو گا۔