ویب ڈیسک:روس کےزیرکنٹرول یوکرینی شہرڈونیٹسک میں بم دھماکاکےنتیجےمیں 25 افراد ہلاک جبکہ متعددزخمی ہوگئے۔
غیر ملکی میڈیا کے مطابق ایک مصروف بازارمیں بم دھمکاہواجس میں تقریبا25افرادہلاک ہوگئےجبکہ اس حادثےمیں 20افرادزخمی بھی ہوئے۔
رپورٹ کےمطابق روسی حمایت یافتہ علاقائی حکام نے حملے کی ذمہ داری یوکرین پر عائد کرتے ہوئے کہا کہ ریسکیو ادارے جائے وقوعہ پر امدادی کاموں میں مصروف ہیں اور ہلاک و زخمی ہونے والوں کی تعداد کے بارے میں معلومات اکٹھی کی جا رہی ہیں۔
روس کی وزارت خارجہ نے اس حملے کو شہریوں کے خلاف ’وحشیانہ دہشت گرد حملہ‘قرار دیا ہے تاہم ابھی تک یوکرین نے اس واقعے پر کوئی تبصرہ نہیں کیا۔
واضح رہے کہ ڈونیٹسک شہر اور مشرقی یوکرین کے وسیع علاقے کے کچھ حصوں پر روسی حمایت یافتہ افواج نے پہلی بار 2014 میں قبضہ کیا تھا اور تب سے یہ علاقہ جزوی طور پر ماسکو کے زیر کنٹرول ہے۔
کیپشن: A bomb blast in the Russian-controlled city of Donetsk killed 25 people