ایک نیوز: پستہ قد سعودی سوشل میڈیا اسٹار عزیز الاحمد 27 برس کی عمر میں چل بسے۔
عرب میڈیا کے مطابق 1995 میں ریاض میں پیدا ہونے والے عزیز انتقال کرگئے ہیں، ان کی موت پر مداحوں نے افسوس کا اظہار کیا ہے۔
عزیز الاحمد کو پیدائشی طور پر جینیاتی بیماری اور ہارمونز کی خرابی کا مسئلہ درپیش تھا جس کی وجہ سے ان کی نشونما متاثر تھی۔
گزشتہ دنوں اسپتال سے ان کی ایک ویڈیو وائرل ہوئی تھی جس میں وہ بستر پر لیٹے ہوئے تھے، ایک خاتون ان سے پوچھ رہی تھیں کہ آپ اپنے فینز سے کیا کہنا چاہتے ہیں جس پر عزیز جواب دیتے ہیں کہ ’میں ان سب سے کہنا چاہتا ہوں کہ میں ان سے بہت محبت کرتا ہوں۔‘
جب ان سے پوچھا گیا کہ اب آپ کیسا محسوس کر رہے ہیں تو وہ کہتے ہیں کہ میں بہتر محسوس کر رہا ہوں۔
#عزيز_في_ذمه_لله
— Majed (@maged89098) January 20, 2023
انالله وانا اليه راجعون بنفقد الابتسامه وخفه الظل
رحمك الله #عزيزالاحمد???? pic.twitter.com/5Gcms9bcRu
تاہم اب ان کے انتقال کی خبر سامنے آگئی ہے۔ عزیز یوٹیوب پر مزاحیہ ویڈیوز اپ لوڈ کرتے تھے اور ان کے فالوورز کی تعداد لاکھوں میں تھی۔
ٹک ٹاک پر ان کے فالوورز کی تعداد 94 لاکھ جبکہ یوٹیوب پر 8 لاکھ 87 ہزار سبسکرائبرز تھے۔
عزیز شادی شدہ تھے اور ان کا ایک بیٹا بھی ہے۔