ملازمت سے انکار، کمپنی مالک نے غصے میں کیبورڈ توڑ دیا

ویب ڈیسک:لندن میں ملازمین کو بھرتیاں کرنیوالےایک کنسلٹنٹ نے ایک سوشل میڈیا ایپ پر توڑے ہوئے کیبورڈ کی تصویر ڈالی اور کہا کہ میں نے غصے میں آکر اسے اس وقت توڑ دیا جب ایک نوکری لینے والے امیدوار نے اسکی نوکری کی پیشکش کومسترد کردیا۔
ایتھن موونی کے مطابق امیدوار نے صبح9بجے اپنے فائنل انٹرویو کیلئے آفس آنا تھا لیکن وہ نہیں آیااور اس نے آدھے گھنٹے بعد کنسلٹنٹ کو میسیج کیا اور کہا کہ اس نے کسی اور کمپنی سے ملازمت کی پیشکش کو قبول کر لیا ہے۔
ایتھن موونی کا کہنا تھا کہ اس صورتحال سے مایوس ہو کر میں نے اپنا کی بورڈ توڑ دیا اور طنزیہ انداز میں کہا کہ مجھے کیبورڈ پر کوئی گالی والا بٹن نہیں ملا ورنہ اس کو توڑ دیتا۔
 ایتھن موونی نے کہا کہ کون کہتا ہے کہ بھرتیاں کرنیوالےکو امیدواروں کی پرواہ نہیں ہوتی،یہ پوسٹ سوشل میڈیا پر وائرل ہو گئی ہے جس پر صارفین کیجانب سے ملے جلے ردعمل کا اظہار کیا جا رہا ہے۔