الیکشن کمیشن نے سینیٹ انتخابات کا مجوزہ شیڈول تیار کر لیا

ویب ڈیسک :الیکشن کمیشن نے سینیٹ انتخابات کا مجوزہ شیڈول تیار کرلیا، کمیشن کی منظوری کے بعد سینیٹ انتخابات کا شیڈول جاری ہوگا۔
تفصیلات کے مطابق الیکشن کمیشن نے سینیٹ انتخابات کا مجوزہ شیڈول تیار کرلیا ہے۔ سینیٹ کے انتخابات کےلیے پولنگ مارچ کے وسط میں ہوگی، مجوزہ شیڈول منظوری کے لیے کمیشن کو بھجوا دیا گیا، کمیشن کی منظوری کے بعد سینیٹ انتخابات کا شیڈول جاری ہوگا۔
واضح رہے کہ سینیٹ کی مجموعی طور پر 100 سیٹوں میں سے 53 نشستیں خالی ہوں گی جبکہ 49 نشستوں پر اسمبلیوں کے تشکیل کے بعد مارچ کے وسط میں انتخابات ہوں گے۔