ایک نیوز: ملتان میں آج پی ایس ایل 8 کا آخری مقابلہ کھیلا جائے گا جس میں کراچی کنگز اور ملتان سلطانز کا جوڑ پڑے گا۔
رپورٹ کے مطابق ملتان کرکٹ اسٹیڈیم میں آج شام کراچی کنگز اور ملتان سلطانز مدمقابل ہوں گے۔ یہ میچ ملتان میں پی ایس ایل 8 کا آخری مقابلہ ہے۔عماد وسیم کی کپتانی میں کراچی کنگز اب تک پی ایس ایل 8 میں 4 میچ کھیل چکی ہے ، جس میں سے اسے صرف ایک میں کامیابی ملی ہے جس کے ساتھ کراچی کنگز پوائنٹس ٹیبل پر اس وقت ٹیم چوتھے نمبر پر ہے۔ ملتان سلطانز نے بھی پی ایس ایل میں اب تک 4 میچ کھیلے ہیں جن میں سے اسے 3 میں فتح حاصل ہوئی ہے، پوائنٹس ٹیبل پر اس وقت ملتان سلطانز سب سے اوپر ہے۔
لاہور قلندرز کا سکواڈ آج کراچی سے لاہور روانہ ہوگا اور اسکواڈ کل سے لاہور میں ٹریننگ کا آغاز کرے گا۔لاہور قلندرز کو ایچ بی ایل پی ایس ایل 8 میں اپنا چوتھا میچ 26 فروری کو پشاور زلمی کے خلاف کھیلنا ہے۔
انگلینڈ کے دو کھلاڑی اگلے میچ سے قبل لاہور قلندرز کا اسکواڈ جوائن کرلیں گے جبکہ ویسٹ انڈیز کھلاڑی شاہی ہوپ آج کراچی سے ہی ویسٹ انڈیر روانہ ہو جائیں گے۔و یسٹ انڈیز کے کھلاڑی شائے ہوپ کا لاہور قلندرز کے ساتھ سفر مکمل ہوگیا ہے۔ وہ تین میچز کیلئے پاکستان آئے تھے اور آج کراچی سے ویسٹ انڈیز روانہ ہو جائیں گے۔لاہور قلندرز کا اسکواڈ آج کراچی سے لاہور روانہ ہوگا۔