میڈیا رپورٹس کے مطابق بگ باس 11 فیم ماہ جبیں صدیقی نے فلم انڈسٹری چھوڑ کر اپنی زندگی اسلامی کے مطابق گزارنے کا فیصلہ کرلیا ہے۔
فوٹو اینڈ ویڈیو شیئرنگ ایپ انسٹاگرام پر ماہ جبیں صدیقی نے اپنے مداحوں کو اس بات سے آگاہ کرتے ہوئے لکھا کہ اب سے وہ ہمیشہ حجاب میں رہیں گی۔
ماہ جبیں نے پوسٹ کو شیئر کرتے ہوئے لکھا میں یہ اس لیے لکھ رہی ہوں کہ میں 2 سال سے بہت پریشان تھی، مجھے سمجھ نہیں آرہی تھی کہ میں کیا کروں تاکہ مجھے سکون ملے۔
انہوں نے لکھا کہ انسان اللہ کی نافرمانی سے کبھی سکون حاصل نہیں کر سکتا، آپ چاہے کچھ بھی کریں لیکن لوگ خوش نہیں ہوتے اللہ کو خوش رکھنا بہتر ہے۔
View this post on Instagram
جاری کردہ پیغام میں مہہ جبیں صدیقی نے مزید لکھا کہ میں ایک سال سے ثنا بہن کی نقشے قدم پر چلنے کی کوشش کررہی ہوں، مجھے اللہ سے دعا کر کے سکون ملا اور میں چاہتی ہوں کہ اللہ میرے گناہ معاف کرے اور مجھے سیدھی راہ پر چلنے کی توفیق عطا فرمائے۔
واضح رہے کہ مہہ جبیں صدیقی بھارت کے نہایتی متنازعہ ٹی وی شو بگ باس 11 میں جلوہ گر ہوچکی ہیں جبکہ وہ مختلف میوزک ویڈیوز میں بھی کام کر چکی ہیں۔