ویب ڈیسک:آسٹریلیامیں ایک شخص دولڑائی کرتےسانپوں کےقریب بےخوف ہوکر گولف کھیل رہاتھا۔جس کی ویڈیونےسوشل میڈیاپردھوم مچادی ہے۔
تفصیلات کےمطابق آسٹریلیاکےشہربرسبین میں ایک شخص کی دولڑائی کرتےنرسانپوں کےقریب گولف کھیلتےہوئےویڈیووائرل ہوئی جس میں دیکھاجاسکتاہےکےگولف کھیلنےوالاکس قدربےخوف ہوکراپنےکھیل میں مصروف ہے۔
میڈیا رپورٹس کے مطابق یہ واقعہ آسٹریلیا کے شہر برسبین کا ہے جہاں ایک شخص کو لڑتے ہوئے دو نر سانپوں سے چند میٹر کے فاصلے پر گولف کھیلتے ہوئے دکھایا گیا ہے۔
ویڈیو میں دیکھا جاسکتا ہے کہ اتنے قریب سانپوں کو دیکھ کر بھاگنے کے بجائے نامعلوم شخص آرام سے گولف کا شاٹ لگا رہا ہے۔
شہری کو سانپوں کی موجودگی میں اس قدر بے پروا ہوتے دیکھ کر انٹرنیٹ صارفین بھی دنگ رہ گئے۔ بہت سے لوگوں نے گولفر کو بہادر کے خطاب سے نوازا جب کہ دوسروں نے اس کے پرسکون رویے کی تعریف کی۔
ایک صارف نے لکھا کہ آسٹریلوی کسی اور ہی مٹی سے بنے ہیں۔ ہمیں ایسے ہی لوگوں کی ضرورت ہے جبکہ دوسرے صارف نے ویڈیو ریکارڈ کرنے والے شخص کی بہادری کی تعریف کی اور کہا، ”کوئی بھی کیمرہ مین کی بات نہیں کررہا جو گولف کھیلنے والے شخص سے زیادہ سانپوں کے قریب ہے۔