ایک نیوز نیوز: موسم سرما کی آمد کے ساتھ ہی پاکستان انٹرنیشنل ایئرلائنز ( پی آئی اے) نے سیاحوں کو دومقبول ترین مقامات گلگت اور سکردو کیلئے زیادہ پروازوں کے ساتھ بہترین پیشکش کردی ہے۔
تفصیلات کے مطابق قومی ایئرلائن نے اپنی ایک ٹوئٹ میں کہا ہے کہ گلگت کیلئے ہفتہ وار 14 جبکہ سکردو کیلئے 5 پروازیں شروع کررہی ہے۔ جس کا کم سے کم دو طرفہ کرایہ 20 ہزار روپے ہوگا۔
#PIA invites you to one of the most picturesque destination of the world. Travel to #Gilgit on any of our 14 weekly flights or to #Skardu with 5 flights a week on new amazing fares. Also avail discounts upto 25% on hotel bookings through the PIA website. pic.twitter.com/nZyxW2a1vM
— PIA (@Official_PIA) December 21, 2022
اس کے علاوہ پی آئی اے نے اعلان کیا ہے کہ قومی ایئرلائن کے توسط سے ہوٹل کی بکنگ پر بھی 25 فیصد تک رعایت کی سہولت حاصل کی جاسکتی ہے۔
کسی بھی قسم کی معلومات کیلئے قومی ایئرلائن کی ویب سائٹ یا فون نمبر 111786786 پر رابطہ کیا جاسکتا ہے۔
یاد رہے کہ وفاقی وزیربرائے ہوابازی خواجہ سعد رفیق کی جانب سے کی جانے والی خصوصی ہدایات کی روشنی میں سکردو، گلگت اور چترال کیلئے خصوصی پروازیں متعارف کروائی گئی ہیں۔