ایک نیوز نیوز: پنجاب میں شدید بارشوں سے ریلوے ٹریک متاثر ہوگئے ہیں جس سے ٹرینوں کی آمدورفت معطل ہوگئی۔
ریلوے حکام کا کہنا ہے کہ قراقرم ایکسپریس کو صادق آباد جبکہ رحمان بابا ایکسپریس کو رحیم یار خان میں روک لیا گیا ہے۔ اسی طرح عوام ایکسپریس کو خان پور اور گرین لائن کو لیاقت پور میں روکا گیا ہے۔
دوسری جانب سکھر میں بھی بارشوں کے باعث ٹرین آپریشن معطل کردیے گئے ہیں اور ٹرینوں کو مختلف سٹیشنوں پر روک دیا گیا ہے۔
ڈی ایس ریلوے کا کہنا ہےکہ گمبٹ اور ٹنڈو مستی کے درمیان ٹریک پرپانی جمع ہے پانی اور بارشوں کی وجہ سے ٹریک کی زمین نرم ہو گئی ہے۔ اس وجہ سے تمام آپریشن معطل کر کے ٹرینوں کو محفوظ مقامات پر روک دیا گیا ہے۔