ایک نیوز: آرمی چیف جنرل عاصم منیر نے پاک افغان سرحدکا دورہ کیا اور وہاں تعینات جوانوں کے ساتھ عید منائی۔
آئی ایس پی آر کے مطابق پاک افغان سرحد پر آرمی چیف جنرل عاصم منیر کی آمد پرکورکمانڈر پشاور نے استقبال کیا۔آئی ایس پی آرکے مطابق آرمی چیف نے افسران اور جوانوں کے بلند حوصلےکو سراہا اور جوانوں اور افسران کی آپریشنل تیاری اور مستعدی کی تعریف کی۔ آرمی چیف کی جانب سے شہدا کو خراج تحسین پیش کیا گیااور شہدا کے اہل خانہ کے لیے نیک خواہشات کا اظہار کیا۔
آرمی چیف جنرل عاصم منیر کا کہنا تھا کہ پاک فوج سرحدوں کے دفاع کے لیے پرعزم ہے، فوج ملکی سالمیت کویقینی بنانے اور خطرات کوناکام بنانے کے لیے ہمہ وقت تیار ہے۔ وطن کے محافظ اپنے پیاروں سے دور فرائض کو مقدم رکھتے ہیں۔
آرمی چیف کا مزید کہنا تھا کہ سرحدوں کی حفاظت سے زیادہ مقدم کچھ نہیں، عید پر وطن کے دفاع کے لیے جانوں کا نذرانہ پیش کرنے والوں کو نہیں بھولنا چاہیے۔