ایک نیوز(چودھری اشرف)انٹرنیشنل کرکٹ کونسل کا وفد قذافی سٹیڈیم لاہور پہنچ گیا ،اعلی سطح کےوفد نےآئی سی سی چیمپینز ٹرافی کے انتظامات کا جائزہ لیا۔
پی سی بی حکام کی جانب سے آئی سی سی وفد کو بریفنگ دی گئی ، آئی سی سی وفد نے قذافی سٹیڈیم کی اپ گریڈیشن کا جائزہ لیا، وفد نے قذافی سٹیڈیم میں دستیاب سہولیات کا بھی جائزہ لیا۔
آئی سی سی کے وفد میں آئی سی سی کی سینئر مینجر ایونٹس سارہ ایڈگر ،ایونٹ مینجر و چیمپئنز ٹرافی ایونٹ لیڈر عون محمد زیدی ، جنرل مینجر کرکٹ وسیم خان ،سکیورٹی مینجر ڈیوڈ مسگر، براڈ کاسٹ کنسلٹنٹ منصور منج شامل تھے۔