ایک نیوز: لیگی رہنما کیپٹن (ر) صفدر نے واضح کیا ہے کہ نواز شریف 21 اکتوبر کو وطن واپس آرہے ہیں۔ انہوں نے نہ پہلے کبھی ڈکٹیشن لی اور گھر واپس آئے۔
تفصیلات کے مطابق ضلع کچہری لاہور میں کیپٹن ر صفدر نے میڈیا سے گفتگوکرتے ہوئے کہا ہے کہ ان کیخلاف 2 مقدمات میں بریت کی درخواستوں پر تین بجے فیصلہ ہوگا۔
انہوں نے واضح کیا کہ نواز شریف نے غلام اسحاق کی بھی ڈکٹیشن نہیں لی تھی اور گھر آگئے تھے۔ وہ 21 اکتوبر کو وطن واپس آئیں گے۔ شہباز شریف کی واپسی کے سوال پر انہوں نے کہا کہ شہباز شریف کی اہلیہ کی طبعیت ناساز تھی اس وجہ سے وہ واپس آئے۔ اب دوبارہ شہباز شریف گئے ہیں کیونکہ بطور پارٹی صدر لندن میں اہم رہنماؤں سے مشاورت کرنی ہے۔
انہوں ںے بتایا کہ نواز شریف نے واپس آنا ہے اس حوالے سے حکمت عملی طے کرنی ہے۔