سیلاب متاثرین کی امداد کیلئے ترک صدر میدان میں آگئے

ایک نیوز نیوز: پاکستان میں سیلاب متاثرین کی امداد کیلئے ترک صدر رجب طیب اردگان  بھی میدان میں آگئے ۔
تفصیلات کے مطابق ترک صدر رجب طیب اردوان نےعالمی برادری سے اپیل کی ہے کہ پاکستان اس وقت سیلاب سےشدید متاثر ہے اس نازک موقع پر عالمی برادری کو پاکستان کی مدد کرنی چاہئے ۔ اقوام متحدہ کی جنرل اسمبلی سے خطاب  میں ترک صدر نے کہا کہ پاکستان اور بھارت کو 75 سال ہو چکے ہیں آزاد ہوئے، بدقسمتی ہے دونوں ممالک کے درمیان ابھی تک امن قائم نہ ہو سکا۔ ہماری دعائیں ہیں دونوں ممالک کے درمیان مستقل امن آئے اور اس کے اثرات مقبوضہ کشمیر میں بھی دیکھنے کو ملیں۔خطاب میں ان کا مزید کہناتھا کہ پاکستان کو سیلاب سے شدید متاثر ہوا ہے، اس شدید سیلاب کے بعد ہم نے انسانی ہمدردی کے طور پر اپنے برادر ملک کی مدد کی ہے اور مزید کوششیں جاری ہیں۔ ان کا کہناتھا کہ افغانستان کو بہت سارے مسائل کا سامنا ہے، گزشتہ 50 سال سے افغانستان حالت جنگ میں ہے اور تنازعات کی دلدل میں پھنسا ہوا ہے، اس وقت برادر ملک میں غربت سمیت بہت سارے مسائل ہیں ، دوست ملک کو چیلنجز کا سامنا کرنا پڑ رہا ہے، ہم افغانستان میں بھائیوں کے ساتھ ہیں۔