ایک نیوز :سابق وزیراعظم نوازشریف جاتی امرا پہنچ گئے ۔
تفصیلات کےمطابق سابق وزیر اعظم نوازشریف ، مریم نواز، شہباز شریف اور حمزہ شہبازجاتی امرا پہنچ گئے۔جاتی امرا کے باہرجمع کارکنوں نے سابق وزیراعظم نوازشریف کا استقبال کیا ۔نوازشریف کی آمد پر جاتی امرا میں شاندار آتشبازی کا مظاہرہ کیا گیا۔ سابق وزیر اعظم کی آمد پر صدقےکا بکرا بھی جاتی عمرا پہنچا دیا گیا۔
خیال رہےکہ نواز شریف چار سال بعد آج صبح وطن واپس پہنچے تھے، سابق وزیراعظم کے طیارے نے اسلام آباد انٹرنیشنل ائیرپورٹ پر لینڈ کیا جہاں اسحاق ڈار اور اعظم نذیر تارڑ نے پارٹی قائد کا استقبال کیا۔ائیرپورٹ پر اسٹیٹ لاؤنج میں نواز شریف کی مسلم لیگ (ن) کی قانونی ٹیم سے مشاورت ہوئی جس کے بعد انہوں نے قانونی دستاویزات پر دستخط کیے۔