ایک نیوز:فلسطین کی تنظیم حماس کے سینئر رہنما خالد مشعل نے کہا کہ ہم مزاحمت کریں یاپھر نہ کریں اسرائیل ہمیں مار ڈالے گا۔
غیرملکی میڈیاسےگفتگوکرتےہوئے خالد مشعل کا کہنا تھاکہ حماس کے پاس متعدد اسرائیلی فوجی یرغمال ہیں، اسرائیلی قیدیوں کو اسرائیل میں قید تمام فلسطینیوں کی رہائی کیلئے استعمال کریں گے۔
انہوں نے کہا کہ قیدیوں میں اسرائیلی فوج کے غزہ ڈویژن کے اعلیٰ افسران بھی شامل ہیں۔
خالد مشعل کا مزیدکہنا تھاکہ اسرائیل کے خلاف7 اکتوبر کے حملے کے نتائج سے پوری طرح آگاہ ہیں، ہم مزاحمت کریں یا نہ کریں اسرائیل ہمیں مار ڈالے گا۔
خیال رہے کہ فلسطینی مزاحمتی تنظیم حماس نے7 اکتوبر کو زمین، فضا اور سمندر کے راستے اسرائیلی علاقوں پر حملے کیے۔ ان حملوں میں ایک ہزار سے زائد افراد ہلاک اور سیکڑوں زخمی ہوئے جبکہ حماس نے درجنوں اسرائیلی فوجیوں اور شہریوں کو یرغمال بنا کر ساتھ غزہ لے گئے۔
کیپشن: Whether we resist or not, Israel will kill us, Khalid Meshaal