ایک نیوز نیوز:سابق بھارتی بلے باز وریندر سہواگ نے قومی کرکٹ ٹیم کے کپتان بابر اعظم کے بارے میں بڑی پیش گوئی کی ہے۔
رپورٹ کے مطابق وریندر سہواگ کا کہنا ہے کہ پاکستانی ٹیم کے کپتان بابراعظم شاندار بلے بازی کر رہے ہیں وہ ٹی 20 ورلڈکپ میں سب سے زیادہ رنز بنانے والے بلے باز ہوں گے۔
وریندر سہواگ نےمزید کہا کہ جب بابر اعظم بلے بازی کر رہے ہوں تو بہت اچھا محسوس ہوتا ہے۔ ویرات کوہلی کی بیٹنگ کو دیکھ کر جس طرح سکون ملتا ہے اسی طرح بابراعظم کی بیٹنگ کو دیکھ کر خوشی ہوتی ہے۔
واضح رہے کہ آئی سی سی ٹی 20 ورلڈ کپ میں پاکستان اور بھارت کی ٹیمیں 23 اکتوبر کو مد مقابل ہوں گی۔