حکومتی اعلان کے بعد گھی اور تیل کی قیمتیں کتنی کم ہوئیں؟

ایک نیوز نیوز :حکومت کی طرف سے اعلان کےبعد گھی اور کوکنگ آئل بنانے والی کمپنیوں نے گھی اور کوکنگ آئل کی قیمتیں کم کردیں ۔
تفصیلات کےمطابق مینوفیکچرنگ کمپنیوں نے A" برانڈ کے گھی اور کوکنگ آئل کی قیمتیں کم کردیں۔ گھی اور کوکنگ آئل کی قیمتوں میں 10 سے 40 روپے تک کمی کی گئی ہے۔کوکنگ آئل کی قیمت میں 10 روپے کمی کے بعد اب اس کی قیمت 520 روپے فی لیٹر ہوگی۔پانچ لیٹر کوکنگ آئل کارٹن کی قیمت میں 50 روپے کی کمی کی گئی ہےاور اب یہ 2700 روپے میں فروخت کیا جارہا ہے۔
5 کلو گرام کے کارٹن گھی کی قیمت میں 195 روپے کی کمی کی گئی ہے اور اب یہ 2600 روپے میں فروخت کیا جارہاہے۔شہریوں کا کہنا تھا کہ اشیائے ضروریہ خصوصاً گھی مہنگے ہونے کی وجہ سے ان کی قوت خرید ختم ہو گئی ہے۔