وزیراعظم شہبازشریف کل ایران کےدورہ پرروانہ ہوں گے

ایک نیوز:وزیراعظم شہبازشریف کل ایران کےایک روزدورےپرروانہ ہوں گے۔
ذرائع کےمطابق وزیراعظم شہباز شریف کا دورہ ایران ایک روزہ ہو گا،وہ کل تہران میں ایرانی صدر سید ابراہیم رئیسی اور ان کے شہید رفقاء کی قومی نماز جنازہ میں شرکت کریں گے ، تہران میں قومی سطح پر نماز جنازہ رہبر انقلاب اسلامی سید علی خامنہ ای کی اقداء میں ادا کی جاے گی، تہران میں شہداء کی قومی و ریاستی نماز جنازہ صبح 10 بجے ادا کی جاے گی۔
ذرائع کےمطابق ایرانی صدر، وزیر خارجہ اور ہیلی کاپٹر حادثہ میں جاں بحق رفقا کی نماز جنازہ آج صبح 9 بجے تبریز شہر میں بھی ادا کی گئی، آج ایرانی شہر قم میں بھی ایرانی صدر اور ان کے شہید رفقاء کی نماز جنازہ ادا کی گئی، قم میں شہداء کی نماز جنازہ بعد از نماز ظہرین ادا کی گئی۔
ذرائع کےمطابق ایرانی صدر اور ان کے رفقاء کی مشہد مقدس میں عوامی نماز جنازہ پرسوں ادا کی جاے گی، پرسوں مشہد میں شہداء کی نماز جنازہ صبح 10بجے ادا کی جاے گی ،مشہد میں جاں بحق ایرانی صدر اور دیگر رفقاء کی نماز جنازہ و تدفین امام علی رضا کے مزار پر ہو گی، شہید ایرانی صدر ڈاکٹر رئیسی، ایرانی وزیر خارجہ حسین امیر عبداللہیان کو امام علی رضا کے احاطے میں دفن کیا جاے گا۔
ذرائع کےمطابق وزیراعظم شہبازشریف ایران سے دبئی روانہ ہوجائیں گے۔