سعودی فرمانرواشاہ سلمان کی طبیعت ناساز،ہسپتال داخل

ایک نیوز:سعودی عرب کے فرمانروا شاہ سلمان بن عبدالعزیز آلِ سعودکی طبیعت ناساز ہو گئی۔ہسپتال میں داخل کرادیاگیا۔
عرب میڈیاکےمطابق والد کی طبیعت ناساز ہونے پر ولی عہد شہزادہ محمد سلمان نے اپنا جاپان کا دورہ ملتوی کر دیا، سعودی ولی عہد محمد بن سلمان کو 20 تا 23 مئی جاپان کا دورہ کرنا تھا،2022میں بھی سعودی ولی عہد محمد بن سلمان کا جاپان کا دورہ شارٹ نوٹس پر منسوخ کر دیا گیا تھا۔
عرب میڈیا کےمطابق سعودی فرمانروا شاہ سلمان بن عبد العزیز کو طبیعت ناساز ہونے پر ہسپتال میں داخل کرا دیا گیا ہے۔ تیز بخار کے باعث ہسپتال میں خادم الحرمین الشریفین شاہ سلمان بن عبد العزیز کا طبی معائنہ کیا گیا۔ 3 ہفتے قبل بھی شاہ سلمان بن عبد العزیز جدہ میں کنگ فیصل اسپیشلسٹ ہسپتال میں معمول کے طبی معائنے کے لیے داخل ہوئے تھے۔
عرب میڈیا کےمطابق 88 سالہ شاہ سلمان بن عبدالعزیز آلِ سعود مئی 2022ء میں ہسپتال میں داخل ہوئے تھے ،جہاں ان کی بڑی آنت کا معائنہ اور دیگر میڈیکل ٹیسٹ کیے گئے تھے۔ اس سے پہلے 2020ء میں ان کے پتے کا آپریشن بھی ہو چکا ہے۔