بھارت :کیڑوں کی برسات،لوگوں میں خوف وہراس

ایک نیوز:بھارتی ریاست بہارمیں کیڑوں کی برسات ہوئی،حیران کن منظردیکھ کرلوگوں میں خوف وہراس پھیل گیا۔
تفصیلات کےمطابق ہزاروں سفید کیڑے آسمان سے بارش کی طرح گرتے دکھائی دیئے جس سے سڑک پر کیڑوں کی موٹی تہہ لگ گئی ہے۔
غیرملکی میڈیاکےمطابق یہ واقعہ نیپال کی سرحد کے قریب بھارتی ریاست بہارمیں پیش آیا،جہاں بارش کی طرح آسمان سے سفید کیڑوں کی برسات کی شکل میں سامنے آیا، یہ منظر  دیکھ کرلوگ ششدر رہ گئے۔
سوشل میڈیاپرپوسٹ کی جانےوالی اس ویڈیو کو بڑی تعداد میں لوگ دیکھ رہے ہیں، لاکھوں ویوز حاصل کرنےوالی اس ویڈیو میں نامعلوم کیڑے سڑک کو بھرتے ہوئے دیکھے جا سکتے ہیں۔ مقامی لوگ یہ سب کچھ دیکھ کر حیران رہ گئے۔ تاہم یہ معلوم نہیں ہوسکا کہ آیا کیڑے گرنے کی وجہ کیا تھی ۔
نباتات کے ماہرین نے انکشاف کیا کہ بہار میں پیش آنے والا واقعہ ”چنار“ کے درخت کی ایک قسم کے”پتے“ ہوسکتے ہیں، یہ کیڑوں کی طرح ہوتے ہیں، اس لیے ہوسکتا ہے کہ لوگوں کو لگا ہو کہ یہ کیڑے ہیں۔