ایک نیوز :افغانستان کیخلاف ٹی20سیریز کیلئے قومی کرکٹ ٹیم کل شارجہ کیلئے روانہ ہوگی ۔
پاکستان اور افغانستان کے درمیان تین ٹی20میچز کی سیریز 24 مارچ سے شروع ہوگی، سیریز کا دوسرا میچ 26 جبکہ تیسرا اور آخری میچ 27 مارچ کو شیخ زید سٹیڈیم شارجہ میں کھیلا جائیگا۔
دونوں ٹیموں کے درمیان اب تک تین ٹی ٹونٹی میچز کھیلے جا چکے ہیں جو تمام پاکستان ٹیم نے جیت رکھے ہیں، افغانستان ٹیم پاکستان کے خلاف اپنی پہلی جیت کا متلاشی ہے
پاکستان ٹیم کے عبوری ہیڈ کوچ عبدالرحمن کا کہنا ہے کہ افغانستان ٹیم کا سپن باولنگ اٹیک پاکستان کے مقابلے میں مضبوط ہے، تاہم پاکستان کے نوجوان کھلاڑی بھی اچھے نتائج دے سکتے ہیں۔