ایک نیوز: امریکہ میں لاٹری حکام نے اعلان کیا ہے کہ بدھ کی رات پاور بال جیک پاٹ میں ایک ارب آٹھ لاکھ ڈالر جیتنے والا لاٹری ٹکٹ فروخت کر دیا گیا ہے اور اسے لاس اینجلس میں لاس پالمیٹس منی مارکیٹ میں خرید بھی لیا گیا ہے۔
پاور بال ٹکٹ، جیک پاٹ سکور کرنے کے لیے ضروری تمام چھ نمبروں 7، 10، 11، 13 اور 24 سے مطابقت رکھتا ہے، جس میں پاور بال 24 ہے۔
تاہم یہ واضح نہیں کہ جیتنے والے ٹکٹ ہولڈر نے انعام کا دعویٰ کیا ہے یا نہیں۔
واضح رہے کہ دعویٰ کیے جانے کے بعد جیتنے والے شخص کے پاس تین دہائیوں میں ایک ارب آٹھ لاکھ ڈالر کی انعامی رقم کو سالانہ حصوں میں وصول کرنے کا آپشن ہوتا ہے، یا وہ ایک ساتھ رقم کا ایک مخصوص حصہ بھی لے سکتے ہیں۔
پاور بال پروڈکٹ گروپ کے چیئرمین اور پنسلوانیا لاٹری کے ایگزیکٹو ڈائریکٹر ڈریو سویٹکو نے کہا کہ پاور بال کی 31 سالہ تاریخ میں یہ تیسرا موقع ہے جب جیک پاٹ اربوں ڈالر کی حد تک پہنچ گیا ہے۔
ان کا کہنا تھا کہ ’یہ ایک تاریخی جیک پاٹ میں تبدیل ہو گیا ہے۔‘
پاور بال کے پاس سب سے بڑی قومی لاٹری جیک پاٹ کا موجودہ عالمی ریکارڈ ہے۔
نومبر میں کیلیفورنیا کے رہائشی ایڈون کاسترو نے ایک ریکارڈ انعام جیتا تھا، جو گنیز ورلڈ ریکارڈ کے مطابق دو ارب پانچ لاکھ ڈالر کا انعام جیتنے والے واحد فاتح تھے۔
مئی میں کیلیفورنیا کے ایک شخص نے کاسترو کے خلاف مقدمہ دائر کرتے ہوئے دعویٰ کیا تھا کہ ان سے یہ ٹکٹ چُرایا گیا لیکن کیلیفورنیا لاٹری کا کہنا ہے کہ انھیں یقین ہے کہ کاسترو ہی صحیح فاتح ہیں۔