مسلسل رونےکاریکارڈبنانےوالاشہری وقتی طورپرنابیناہوگیا

ایک نیوز:نائیجیرین شخص مسلسل رونے کا نیا ریکارڈ بنانے کی کوشش میں کچھ وقت کیلئے نابینا ہوگیا، اس کے چہرے پر ہفتوں سوجن رہی اور آنکھوں پر ورم موجود رہا۔
تفصیلات کےمطابق ٹیمبو ایبیرے نے گنیز بک آف ورلڈ ریکارڈ کیلئے مسلسل ایک ہفتے رونے کی کوشش کی لیکن وہ درمیان میں ہی نابینا ہوگیا اور اس کے سر میں شدید درد بھی رہا۔
نائیجیریا میں لوگ تیزی سے عالمی ریکارڈ بنانے میں دلچسپی لے رہے ہیں۔ مئی 2023ء میں ایک خاتون شیف نے مسلسل 93 گھنٹے اور 11 منٹ تک کھانے بناکر نیا ریکارڈ قائم کیا تھا۔ اس کے بعد اب ٹیمبو نے مسلسل رونے کی کوشش کی ہے اور اس کے سامنے والے کھلاڑی ایک ایک کرکے رخصت ہوتے رہے۔
اگرچہ ٹیمبو نے باضابطہ طور پر گنیز بک آف ورلڈ ریکارڈ کو نہیں بلایا تھا لیکن ریکارڈ کیلئے انہیں مسلسل ایک ہفتے تک رونا تھا تاہم انہیں درمیان میں ہی رونا دھونا چھوڑنا پڑا کیونکہ ان کی بصارت جواب دے گئی تھی اور سر میں شدید درد رہا تھا۔
ان کا ارادہ ہے کہ وہ اب دوبارہ اس ریکارڈ کی کوشش کریں گے۔