ایک نیوز نیوز: ملک بھر میں کرونا سے اموات کا سلسلہ جاری ہے، مزید 3 افراد جان کی بازی ہار گئے۔
قومی ادارہ برائے صحت (این آئی ایچ) کی جانب سے جاری کردہ اعداد و شمار کے مطابق گزشتہ 24 گھنٹوں کے دوران کرونا کے 21 ہزار 315 ٹیسٹ کیے گئے۔
این آئی ایچ کے مطابق 599 افراد میں کرونا کی تصدیق ہوئی جبکہ مثبت کیسز کی شرح 2.81 ریکارڈ کی گئی۔
کرونا نے ایک دن میں مزید تین مریضوں کی جان لے لی جبکہ اب بھی 170 افراد ایسے ہیں جن کی حالت تشویشناک ہے۔
واضح رہے کہ صوبہ بھر میں کرونا کے باعث اموات کی کل 13,566 تعداد ہو چکی ہے.جبکہ اس کے کُل مریضوں کی تعداد 15 لاکھ 32 ہزار 739 ہو چکی ہے۔
اب تک صوبہ بھر میں 493,148 مریض علاج کے بعد مکمل صحت یاب ہو کر اپنے گھروں کو واپس جاچکے ہیں۔