ایک نیوز: امریکی صدر ڈونلڈ ٹرمپ کا امریکا کے 47ویں صدر کی حیثیت سے پہلا دن، پہلے روز سابق صدر جو بائیڈن کے 78 صدارتی اقدامات منسوخ کر دیے اور متعدد نئے ایگزیکٹو آرڈرز پر دستخط کر دیئے۔
وائٹ ہاؤس کے مطابق ڈونلڈ ٹرمپ کی حلف برداری تقریب کے بعد کیپٹل ون ارینا میں تقریب کا اہتمام کیا گیا ،تقریب میں ٹرمپ کے حامیوں کی بڑی تعداد نے شرکت کی ،پولیس سمیت مختلف اداروں کے دستوں کی جانب سے نو منتخب صدر کو سلامی دی گئی۔
اس موقع پر صدر ٹرمپ کے مندوب برائے مشرق وسطیٰ اسٹیو وٹکوف نے بھی خطاب کیا ،صدر ٹرمپ نے متعدد ایگزیکٹو آرڈرز پر دستخط کیے ،جبکہ سابق صدر جو بائیڈن کے 78 صدارتی اقدمات بھی منسوخ کر دیئے ۔
صدر ٹرمپ نے کیپٹل حملے میں ملوث 1500 افراد کو معافی دینے کے آرڈر پر دستخط کیے، صدر ٹرمپ نے فیڈرل ملازمین کی بھرتیاں منجمد کرنے کے آرڈر پر دستخط کر دیے۔، فیڈرل ملازمین کے لیے گھر سے کام کرنے کے سہولت بھی ختم کر دی ، امریکا کی پیرس ماحولیاتی معاہدے سے علیحدگی کے آرڈر پر دستخط کیے ،مصنوعی ذہانت پالیسی سےمتعلق بائیڈن کا ایگزیکٹو آرڈرمنسوخ کردیا ۔
صدر ٹرمپ نے بائیڈن کا 2030 تک الیکٹرک کاروں کی فروخت کا ہدف 50 فیصد کرنے کا آرڈر بھی منسوخ کیا، بارڈر سے متعلق اور تارکین وطن کےداخلے سے متعلق ایگزیکٹو آرڈر پر دستخط کیے، جنوبی سرحد پر نیشنل ایمرجنسی نافذ کرنے کے آرڈر پر بھی دستخط کیے، بین الاقوامی ماحولیاتی معاہدوں میں امریکا کو اولین ترجیح دینے کے آرڈر پر دستخط کیے ، امریکی خاندانوں کو قیمتوں میں ایمرجنسی ریلیف دینے کے آرڈر پر بھی دستخط کیے۔
امریکی صدر کی جانب سے سیاسی مخالفین کے خلاف وفاقی حکومت کو مسلح کرنے کی پالیسی بھی منسوخ کر دی گئی ،صدرڈونلڈ ٹرمپ نے نگران کابینہ اور کابینہ سطح کے عہدوں کا بھی اعلان کیا ،نگران کابینہ کے اراکین عہدوں پر باضابطہ تقرری تک خدمات انجام دیں گے، اظہار رائے کی آزادی اور سنسر شپ ختم کرنے کے ایگزیکٹو آرڈر پر بھی دستخط کیے، ٹاک ٹاک سے متعلق ایگزیکٹو آرڈر پر بھی دستخط کیے ہیں ۔
اس موقع پر صدر ڈونلڈ ٹرمپ نے کہا ایگزیکٹو آرڈر ٹک ٹاک کو خریدنے یا بند کرنے اختیار دیتا ہے، ہم نے ٹک ٹاک ڈیل کی اور چین نےتوثیق نہیں کی تو چین پر ٹیرف عائد کرسکتے ہیں، ٹرمپ نے اٹارنی جنرل کو اگلے 75 دن تک ٹک ٹاک پرکوئی کارروائی نہ کرنے کا حکم دیا، ٹک ٹاک سے متعلق ڈیل کر بھی سکتا ہوں ، ٹاک ٹاک ڈیل کی تو اس کی 50 فیصد ملکیت حاصل کرنا ہوگی، ڈیل نہیں کی تو ٹک ٹاک کسی کام کا نہیں رہےگا۔
امریکی صدر نے جسٹس ڈپارٹمنٹ کو 6 جنوری حملے سے متعلق تمام مؤخر کیسز ختم کرنے کا بھی حکم دیا ، نے عالمی ادارہ صحت سےعلیحدہ ہونےکے آرڈر پر بھی دستخط کر دیئے۔ ٹرمپ نے کہاجنوری کے یرغمالیوں سمیت بہت سے ملزمان کوعام معافی پر دستخط کرنے جا رہے ہیں، بائیڈن دور میں آف شور ڈرلنگ پر عائد پابندی کو ختم کریں گے،پچھلی حکومت کےکم ازکم 80 تباہ کن ایگزیکٹو آرڈرز کو منسوخ کریں گے، مہنگائی کو شکست دینے کے لیے ہر ممکن اقدامات کریں گے، مہنگائی کم کرنے کے لیے کابینہ کو ہرممکن اقدامات کی ہدایت دوں گا، سول ملازمین کی تعداد کم،ان لینڈریونیو سروس ایجنٹس کی بھرتیاں روکیں گے۔