ایک نیوز: چیئر مین پاکستان تحریک انصاف بیرسٹر گوہر نے کہا ہے بانی پی ٹی آئی سمیت پاکستان تحریک انصاف کسی بھی بیرونی مدد کے طلبگار نہیں ہے۔
تفصیلا ت کے مطابق بیرسٹر گوہر نے پارلیمنٹ ہاؤس کے باہر میڈیا سے گفتگو کرتے ہوئے کہا ایجنڈا پورا کرنا کورم پورا کرنا ایجنڈا چلانا قانون سازی کرنا یہ حکومت کی ثواب دید ہے ،اجلاس میں ایک دن میں ساڑھے چھ کروڑ کا خرچہ اتا ہے حکومت کی ذمہ داری ہے اس کو پورا کرے ، اسمبلی میں جب آجاتے ہیں تو اپوزیشن احتجاج بھی کرتی ہے ۔
انہوں نے کہا مذاکرات ہونے چاہیے یہ ایک جمہوری عمل ہے ، اگر دونوں مطالبات سے ایک بھی نہ مانا گیا تو مذاکراتی عمل آگے نہیں چلے گا ،میں سب سے ریکویسٹ کرتا ہوں کہ سنجیدگی کے ساتھ اور نیک نیتی کے ساتھ مل کر بیٹھیں ، اختلافات کو لوگ ڈائیلاگ کے ذریعے ختم کرتے ہیں یہ ڈائیلاگ ضرور ہونے چاہئے ۔
بیرسٹر گوہر نے مزید کہا کہ ڈونلڈ ٹرمپ امریکہ کی عوام کی ایک چوائس ہے ،بانی پی ٹی آئی سمیت پاکستان تحریک انصاف کسی بھی بیرونی مدد کے طلبگار نہیں ہیں،امریکی صدر دنیا میں ایک پاور فل آدمی ہوتا ہے ،کشمیر کا ایشو یو این کے مطابق حل ہونا چاہئے۔