ایک نیوز: پارلیمانی شفافیت پر فری اینڈ فیئر الیکشن نیٹ ورک کی نئی جائزہ رپورٹ جاری کردی گئی ہے، فافن جائزہ رپورٹ کو بین الپارلیمانی تنظیم کے فریم ورک مدنظر رکھ مرتب کیا گیا ہے۔
فافن رپورٹ کے مطابق سینٹ ، قومی اسمبلی اور چاروں صوبائی اسمبلیوں کی ویب سائیٹس کا جائزہ لیا گیا ،آئی پی یو معیار پر سینیٹ ویب سائیٹ نے سب سے زیادہ یعنی 69 فیصد عمل کیا ،پنجاب اسمبلی نے 64 فیصد، قومی اسمبلی نے 61 فیصد عمل کیا ،خیبر پختونخوا اسمبلی نے 51 فیصد،سندھ اسمبلی نے 40 فیصد،بلوچستان اسمبلی نے 38 فیصد عمل کیا ،یہ عدم مطابقت ، سیاسی پولرائزیشن ماحول میں غلط معلومات کے خطرات بڑھاتی ہیں ۔
رپورٹ میں کہا گیا ہے کہ اپ ڈیٹ معلومات کیلئے پارلیمانی ویب سائیٹ متحرک مرکز کے طور پر ابھریں ،پارلیمانی ویب سائیٹس کی شفافیت ، افادیت بڑھانے کیلئے مزید اصلاحات ضروری ہیں ،ایسی اصلاحات سے پارلیمانی عمل اور جمہوریت کیخلاف ڈس انفارمیشن بھی رکے گی ۔