انگلینڈ کرکٹ بورڈ کا دوہرامعیار ،جیمز ونس برس پڑے

ایک نیوز: انگلش پلیئرز جیمز ونس کا ای سی بی کی این او سی پالیسی پر رد عمل سامنے آیا ہے۔
انگلش پلیئرز جیمز ونس کا کہنا تھا کہ مجھے یہ سمجھ نہیں آیا کہ جب آئی پی ایل کھیل سکتے ہیں تو پی ایس ایل کیوں نہیں، پی ایس ایل آئی پی ایل سے چھوٹا ایونٹ ہے، پی ایس ایل کھیلنے سے آپ کم ڈومیسٹک میچز چھوڑتے ہیں ،اس پالیسی کی وجہ انگلش کرکٹ بورڈکے بی سی سی آئی اور پی سی بی سے تعلقات ہیں ۔
انگلش پلیئرز جیمز ونس نے کہا کہاگر 25 سے 30انگلش کھلاڑی اچھے کانٹریکٹس پر سلیکٹ ہوتے تو وہ بھی پی ایس ایل کے لیے اپنے ریڈ بال کانٹریک چھوڑ دیتے ، انگلش پلیئرز کو اس کانٹریکٹ کی وجہ سے نقصان ہوا۔
انگلش کھلاڑی نے مزید کہا کہ میری کراچی کی منیجمنٹ سے بات ہوئی وہ اس بات کے حوالے سے پریشان تھے اگر وہ زیادہ انگلش پلیئرز کا انتخاب کرلیتےتو بعد میں ان کے این او سی کے مسائل ہوتے ہیں۔