ایک نیوز: جہلم میں سڑکوں کی تعمیر پر شہریوں کا منفرد انداز دیکھنے میں آیاجہاں 61سالہ شخص کو دلہا بنا یا گیا اور گلے میں ہار ڈال کر بینڈ باجوں کے ساتھ سڑک پر لایا گیا ۔
رپورٹ کے مطابق آج کل شادیوں کا سیزن عروج پر ہے جہلم کے علاقہ محلہ سلیمان پارس کے رہائشیوں نے 61سال کے شخص کو دولہے کی طرح سہرا پہنایا اور گلے میں ہار ڈالے بینڈ باجے کیساتھ سڑک پر لایا گیا لیکن یہ دلہا نہیں بلکہ علاقہ کے کام کروانے میں اہم کردار ادا کرنے والے راجہ اسلم تھے جن کو اہل علاقہ نے خراج تحسین پیش کرنے کیلے خوشی کا اظہار دولہا بنایا۔
https://www.pnntv.pk/uploads/digital_news/2023-01-21/news-1674283941-9420.mp4
اس موقع پر محمد اسلم کا کہنا تھا کہ پانچ کروڑ روپے کی لاگت سے باغ محلہ اور محلہ سلیمان پارس کی سڑکوں کی تعمیر کا کام شروع ہو گیا ہے۔ لیگی ایم این اے چوہدری فرخ الطاف کے کوٹہ سے ان علاقوں کی سڑکوں کا کام شروع ہوا ہے۔ علاقہ مکینوں کا کہنا ہے کہ باغ محلہ سلیمان پارس کی سڑکیں ٹوٹی ہوئی تھی شہری راجہ محمد اسلم نے لیگی ایم این اے کی توجہ اس طرف مبذول کروائی اور علاقہ کی سڑکوں کی تعمیر کا کام شروع ہونے پر علاقہ مکینوں نے راجہ اسلم کو دولہے کی طرح سہرا سجا کر ڈھول تاشے بجا کر خوشی کا اظہار کر کے خراج تحسین پیش کیا۔
https://www.pnntv.pk/uploads/digital_news/2023-01-21/news-1674283941-5774.mp4
دوسری جانب اوکاڑہ کے نواحی گاؤں 30 جی ڈی میں مہندی کی تقریب کے دوران فائرنگ ہوئی جس میں مہندی لے کر جانے والوں کی شدید فائرنگ سے ایک شخص زخمی ہو گیا۔ فائرنگ کرنے والوں کی شناخت عباس کھرل اور حسن کھرل کے ناموں سے ہوئی ہے۔ فائرنگ کی زد میں آ کر زخمی ہونے واکے شخص کو ڈسٹرکٹ ہیڈ کوارٹر ہسپتال اوکاڑہ منتقل کر دیا گیا ہے۔زخمی شخص کی شناخت ظفر اقبال کے نام سے ہوئی ہے۔