ایک نیوز: پاکستان تحریک انصاف کے سابق رہنما فیصل واوڈا نے دعویٰ کیا ہے کہ سابق ڈی جی آئی ایس آئی لیفٹیننٹ جنرل ریٹائرڈ فیض حمید کے پاس مسلم لیگ ن اور پی ٹی آئی کے کئی رہنماؤں کی آڈیوز اور ویڈیوز موجود ہیں۔
تفصیلات کے مطابق فیصل واوڈا نے یہ دعویٰ بھی کیا ہے کہ مسلم لیگ ن اور پی ٹی آئی رہنماؤں کی آڈیوز اور ویڈیوز جلد لیک ہوں گی۔
یاد رہے کہ اس سے قبل بھی عمران خان اور وزیراعظم شہباز شریف سمیت متعدد سیاسی رہنماؤں کی آڈیوز لیک ہوتی رہی ہیں۔
اس حوالے سے عمران خان کہہ چکے ہیں کہ جب وزیراعظم ہاؤس محفوظ نہیں ہے تو پھر کون سا غیر ملکی رہنما یہاں آکر ہم سے بات کرنا پسند کرے گا۔