ایک نیوز:اپوزیشن گرینڈ الائنس کے اہم رابطے اور ملاقاتیں جاری ، حکومت مخالف اتحاد کو مزید وسعت دینے کا فیصلہ کرلیا۔
تفصیلات کے مطابق اپوزیشن قیادت سندھ میں بھی پڑاؤ ڈالے گی ،تحریک تحفظ آئین پاکستان کی قیادت آج سے سندھ روانہ ہوگی ،تین روزہ دورے کے دوران گرینڈ الائینس اتحاد کیلئے اہم ملاقاتیں شیڈول ہیں، اپوزیشن الائنس جی ڈی اے کی قیادت سے ملاقات کرے گا ،اپوزیشن رہنما جئے سندھ کے سربراہ ایاز پلیجو سے حیدرآباد میں ملاقات کریں گے۔
اپوزیشن راہنماؤں کے وفد محمود اچکزئی، اسد قیصر، صاحبزادہ حامد رضا، اخونزادہ حسین ، بی این پی مینگل اور ایم ڈبلیو ایم سے رہنماء شریک ہوں گے ، سیکرٹری جنرل پاکستان تحریک انصاف سلمان اکرم راجہ بھی وفد میں شامل ہیں۔
اپوزیشن کے دورے کے دوران بزنس کمیونیٹی اور بار ایسوسی ایشن سے بھی ملاقاتیں ہوں گی ،وفد پی ٹی آئی کراچی کے عہدیداروں سے بھی ملاقاتیں شیڈول اپوزیشن رہنماء صحافی برادری سے بھی ملاقات کرے گی۔