ویب ڈیسک :حکومت سازی کیلئے سیاسی جماعتوں میں معاملات طے پانے کے بعد قومی اسمبلی کا اجلاس فروری کے آخری ہفتے میں بلایا جا سکتا ہے ۔
ذرائع پارلیمانی امور کے مطابق وزارت پارلیمانی امور اجلاس بلانے کی سمری وزیراعظم کو بھیجے گی جسے وہ صدر مملکت کو بھیجیں گے۔پہلے اجلاس میں تمام ممبران قومی اسمبلی آئین و ملک سے وفاداری کا حلف اٹھائینگے۔اراکین کے حلف کے بعد سپیکر اور ڈپٹی سپیکر کا انتخاب کا مرحلہ ہوگا ۔
نئے اسپیکر عہدہ سنھبالنے کے بعد اجلاس میں قائد ایوان کے انتخاب کی تاریخ دیگا ۔ دو دن میں کاغذات نامزدگی اور انتخاب کو حتمی شکل دی جائیگی ۔ وزیراعظم کا انتخاب 3یا 4مارچ کو متوقع ہے ۔نئی قومی اسمبلی کے اجلاس کے حوالے سے قومی اسمبلی سیکرٹریٹ کی تیاریاں مکمل ہیں۔
کیپشن: The session of the National Assembly will be convened in the last week of February