ننھی مداح نسیم شاہ سے ملاقات کے دوران خوشی سے رو پڑی

ننھی مداح نسیم شاہ سے ملاقات کے دوران خوشی سے رو پڑی

ایک نیوز: پاکستان سپر لیگ کی ٹیم کوئٹہ گلیڈی ایٹرز کے فاسٹ باؤلر نسیم شاہ نے نیشنل اسٹیڈیم کراچی میں ننھی مداح  سے ملاقات کی جس سے بچی خوشی سے رو پڑی۔

رپورٹ کے مطابق  پی ایس ایل کے 9 ویں میچ میں پشاور زلمی نے کوئٹہ گلیڈی ایٹرز کو 4 وکٹوں سے شکست دی تھی۔پشاور زلمی نے ٹاس جیت کر کوئٹہ گلیٖڈی ایٹرزکو بیٹنگ کی دعوت دی اور کوئٹہ نے مقررہ اوورز میں 4وکٹوں کے نقصان پر 154 رنز بنائے۔کوئٹہ کی جانب سے افتخار احمد 50، سرفراز احمد 39 اور اوڈین اسمتھ 25 رنز بناکر نمایاں رہے۔پشاور زلمی کی جانب سے عثمان قادر نے 2 وکٹیں حاصل کی تھیں۔ پشاور نے ہدف 18.3 اوورز میں 6 وکٹوں کے نقصان پر حاصل کرلیا۔

میچ کے دوران تماشائیوں میں کھڑی ننھی فین نسیم شاہ کا اسکیچ بناکر کوئٹہ اور پشاور کے میچ میں آئی تھی۔ننھی فین نے فاسٹ باؤلر نسیم شاہ سے ملاقات کی خواہش کا اظہار کیا  جس پر کوئٹہ گلیڈی ایٹرز کی انتظامیہ ملاقات کیلئے نسیم شاہ کو اسٹینڈ کے پاس لے گئی۔ نسیم شاہ سے ملتے ہی ننھی مداح خوشی سے رو پڑی،فاسٹ باؤلر نے فین کو اسکیچ پر آٹو گراف دیا اور اس کے ساتھ سیلفی بھی بنائی۔

شیئر کریں:

Hasan Moavia