ایک نیوز :قومی کرکٹ ٹیم کے کپتان اور پشاور زلمی کی قیادت کرنیوالے بابر اعظم کا کمسن مداح کینسر سے لڑتے ہوئے زندگی کی بازی ہار گیا۔
کچھ عرصہ قبل کینسر کے مرض میں مبتلا ایک بچے عماد خان کی خواہش پر پاکستان کرکٹ ٹیم کے کپتان بابر اعظم ان سے ملاقات کرنے کراچی کے نجی اسپتال گئے تھے۔
بابر اعظم نے عماد خان سے ملاقات میں انہیں ہمت نہ ہارنے کا مشورہ اور تحفے میں اپنا کیپ بھی دیا تھا۔
عماد خان منگل کو کراچی کنگز اور پشاور زلمی کا میچ دیکھنے نیشنل بینک کرکٹ ارینا بھی آئے تھے۔
بابر اعظم نے عماد خان سے محمد رضوان کے ساتھ ویڈیو کال پر بات بھی کروائی تھی۔
واضح رہے کہ کینسر میں مبتلا بچے عماد خان کا انتقال دو روز قبل (جمعرات کو) ہوا۔