گیس کی قیمتوں میں اضافہ،صارفین کا بل کتنا آئیگا؟جانیے

ایک نیوز: گیس کی قیمتوں میں اضافہ ہونے کے بعد صارفین کا بل کتنا آئے گا تفصیلات سامنے آگئیں۔
 ایک ایم ایم بی ٹی یو استعمال پر پنجاب اور پختونخوا کے صارفین کا کم از کم بل 2450 روپے آئے گا، ذرائع کے مطابق ایک ایم ایم بی ٹی یو پر بلوچستان اور سندھ کے صارفین کا کم از کم بل 2651 روپے آئے گا۔
 ذرائع کا کہنا ہے کہ دو ایم ایم بی ٹی یو استعمال پر پنجاب اور کے پی کے صارفین کا کم از کم بل 3100 روپے تک آئے گا، دو ایم ایم بی ٹی یو استعمال پر بلوچستان اور سندھ کے صارفین کا بل 3300 سے زائد آئے گا،  کے پی اور پنجاب کے تین یونٹ استعمال کرنے والے صارفین کا بل ساڑھے پانچ ہزار روپے تک آئے گا۔
کے پی اور پنجاب کے صارفین کو چار یونٹس استعمال کرنے والوں کا بل 6 ہزار روپے تک آئے گا، بلوچستان اور سندھ کے چار یونٹس والے صارفین کا بل 6 ہزار 600 روپے آئے گا، ایم ایم بی ٹی یو کے اضافی استعمال کے ساتھ بلوں میں مزید اضافہ ہوگا۔