ویب ڈیسک: پاکستان کرکٹ ٹیم جنوبی افریقہ کے خلاف تیسرا اور آخری ون ڈے میچ کھیلنے کے لئے جوہانسبرگ پہنچ گئی۔
پاکستانی ٹیم کی جنوبی افریقہ کو کلین سویپ کرنے کی پوری تیاری ہے جبکہ پروٹیز بھی آخری میچ جیتنے کے لئے بھرپور کوشش کریں گے۔
قومی ٹیم آج جوہانسبرگ میں پریکٹس سیشن میں حصہ لے گی،خیال رہے کہ تیسرے میچ سے قبل جنوبی افریقہ کے فاسٹ باؤلر بارٹ مین گھٹنے کی انجری کے باعث سکواڈ سے باہر ہوگئے۔
پاکستان کو تینوں میچ کی سیریز میں دو صفر کی فیصلہ کن برتری حاصل ہے، میچ کل 22 دسمبر کو پاکستانی وقت کے مطابق 5 بجے کھیلا جائے گا۔
خیال رہے کہ پاکستان نے 3 میچز کی ون ڈے سیریز کے دوسرے میچ میں جنوبی افریقا کو 81 رنز سے شکست دیکر سیریز اپنے نام کرلی ہے، پاکستان نے تین میچز کی سیریز میں جنوبی افریقا پر 0-2 کی برتری حاصل کرلی، پاکستان کے کامران غلام مین آف دی میچ قرار پائے تھے۔